Mabilis na tsupit sa Dos

Hahaha. Biruin mo, nasumpungan kong bumili ang ABS sa 33 (umaasa sa talbog) nung Biyernes at nag-post ng 35 agad na sell. Binili din pala ni DW_Capital kanina lahat. Kumita na naman kay Dos! Salamat! Nanonood siguro ng The Voice si DW_Capital...

... Ito ang pasakalye ko para makadagdag ng kumento ukol sa The Voice.

Sarah, isa kang asset. Magkaroon ka pa dapat ng dagdag na kumpiyansa sa sarili. Lumulutang kasi ang insecurity mo kapag nagkukumento ka nang "na-aappreciate ko kapag sinusunod nyo ang mga instructions ko." Dapat lang na sumunod sila, Sarah, dahil ikaw ang coach at magaling kang mang-aawit.

Tapos sinisingitan mo rin minsan ng karanasan sa pag-ibig eklat. Kumbaga kung power company ang ABS, think of yourself as a vital power plant or a valuable asset for ABS. Be confident. Youre now one of that reliable deliverers of revenue to ABS. Kung hindi fuel ang pag-ibig sa power plant, cause lang sya ng down time. Wag na puros Gerard at Rayver eklat. Subalit, maganda ang pagkakaawit mo nito.

<iframe width="420" height="315" src="//www.youtube.com/embed/HWGgMxONRsk" frameborder="0" allowfullscreen></iframe>


Maigi na tinanggal na ang countdown-countdown vote is now closed ni Toni Gonzaga. Pampatagal lang yang si Toni Gonzaga kasi at minsan kung anu-ano pa ang sinasabi, natitipid tuloy ang oras para sa kantahan. Nakakadisorient kapag pinuputol ang pamilyar na kanta. Parang sumasarap pa lang ang awit, biglang tapos na, kasi kailangang isang minuto lang.

Sasabihin ko rin sanang tanggalin na lang ang pagbabasa ng twitter ng mga nanonood, kasi sayang oras din at wala namang kwenta, puros "galing!" "epic!" generic ang mga kumento. Tanggalin pag walang ispesyal na insight. Pero mukhang requirement ng licensor ng The Voice ang segment na ito, kaya sana magdagdag na lang ng staff na magaling pumili ng mas magagandang tweets.

Wag lang kakalimutan ABS, na ang mga contestant ang primerong nagdadala ng The Voice. Mahusay, magaling, sila Thor, et al. Kakaiba rin ang exit ni Daryll Shy noong Linggo na nanalo pa man din sa text votes pero naungusan lang ni Mitoy sa boto ni Leah. Angganda rin ng pasok ni Patti Austin. Pinanood pa naman namin nuong konsert noong Huwebes. (Inakapela nya ang In My Life. Kakilabot sa Araneta).

GMA7 should get Lani Misalucha back to have its own additional  power plant. Mas kailangan na sya ng Maynila kaysa Vegas.

Pick of the week for Week 37: GTCAP hopefully at 750; observe VLL; GMA7 for divs???

GTCAP is the pick of the week due to the index adjustment favoring this stock. As mentioned here, Im hoping to re-enter at 750 (which served as strong support before). If not, I might enter at any-price-below-800 on Thursday.

I will also be closely watching VLL. It should announce divs soon, and would easily make 5.5 after.

GMA7 might also announce hefty divs soon, giving whoever is lucky enough to buy on the same day an instant +4%. (ABS, no chance, since it is tied up with a covenant of no-dividend higher-than-previously-set with its creditors). There is a question mark though since it is lightly-traded. GMA's price is at currently at its previous lowest/strongest support, furthermore at a cheap 14 forward P/E. But at this volume, it can still go further down. So I guess, it's whether you are willing to hold this stock until the rosy months of Dec - Feb, in case it goes further down after you buy.

All these picks are made, again, on the backdrop of volatility and low volume. Yes, we are still at that environment where +5% is heaven. Volume is low and there are up-and-down tussles even in solid companies. The aim is to just benefit the volatility, sell in a few days. In fact it is better to just stay out.

Our kinds who still participate in these conditions are probably just after that fulfilment and entertainment in getting +3-5% in days, rather than solid assured portfolio growth. For this purpose, GTCAP, VLL, GMA7 could be good picks (for short-term only) this week.

Lastly, as we've been saying since June, never all-in.

p.s. The Consunjis and the Aboitizes are known to defend their stock. I was also about to choose among DMC, AEV, AP, and SCC to take advantage of their buying. But all four already have significant increases yesterday. They might have bought already (wait for the disclosure), there might not be a quick +3% in the coming days.

Manood ng OTJ! Panalo!

 Nagberde nga noong biyernes pero medyo mahina. Hindi ko nabenta ang binili kong SMPH, AEV, at AC na nagsalimbayan ang taas-baba ng presyo buong araw.

Gayunpaman, napakaigi pa rin ng aking Biyernes dahil sa pelikulang OTJ na sa wakas ay nagkaoras panoorin sa Trinoma.

Panalo ang pelikula!

Mahusay si Joel Torre. Napakahusay!

Swak na swak ang pagkakapili sa mamang ito para gumanap kay Tatang Maghari. 

Si Gerald Anderson naman, bagamat sobra ang gigil sa ilang eksena, pasa na rin ang arte. Si Piolo ay talentado naman pero masyado lang maganda. Dapat ginupitan man lang nang mas ordinaryo at pinabaho, pinalagkit, at pinapawis nang onte lalo sa mga barilan at yong mga eksena sa Tondo. Sa mga nagagawi sa mga looban maiintindihan ito. Nasa bungad ka pa lang sa estero, nanlalagkit ka na. Kaya nga di nagkakasakit ang mga bata doon. 

At wala kang masasabi sa supporting cast--mula kila Rosanna Roces, Angel Aquino, Mon Confiado--nakuha nila ang kailangang emosyon o empathy sa bawat segundong nasa screen sila. Si Vivian Velez halimbawa, na gamit lang ang kuko at cutix sa ilang frame, ay naiarte na ang dapat nyang iarteng malupit pero propesyunal na kontratista. Isa pa, sa selpon, sabi ni Vivian "Hindi pwede yan, Tatang..." Kung boss mo ito sa kompanya, at inutusan kang pagandahin pa ang palamuting pie-chart sa report mo, aba, baka nilagyan mo pa ng animation at sound! 

Ang mukhang wala lang sa lugar, at mukhang isiningit lang, ay yaong babaeng syota ni Gerald na naghubad. Pero dagdag na tiket na rin siguro kapag may boobs ang pelikula.  

Hindi predictable ang latag ng istorya. Hindi predictable ang ending. Kudos kay Michiko Yamamoto na sumulat din ng magagandang pelikulang Endo, Maximo Oliveros, Zombadings. Nagsisimula talaga siguro ang ganda ng pelikula sa solidong iskrip.

Hindi rin i-ni-spoonfeed ang mga manonood. Angganda non, irespeto ang talino naman ng manonood na pinoy. Nakibakas sa budget ang Star Cinema, pero hindi sangkot sina Cathy Garcia-Molina, Laurenti Dyogi, at iba pang kulokoy ng Dos na walang ibang alam gawin kundi paulit-ulit na pelikulang kapos, butas-butas ang plot, na pati ang titulo ay kinatatamaran nang pag-isipan (kinukuha na lang sa kanta). Maigi na wala silang input, maski ipinaubaya nila ang kanilang mga artista. Mukhang hinayaan ang mga indie pipol na dumiskarte, kaya maigi ang kinalabasan. 

Malinis at pulido na ang pagkakailaw, pagakakaispat, at pagkakakuha (cinematography). Mukhang hindi lang iisang kamera ang ginamit sa ilang eksena. Ginastusan s'ya sa mga dapat pagkagastusang mga tagpo.  

Ang disenyo ng produksyon ay dinaig pa ang Bourne ni Renner na Hollywood Movie, na mas malaki ang badyet, subalit di naman sinamantalang gamitin ang ganda/pangit at tigas ('grit') ng Kamaynilaan. Samantalang si Matti sinimulan pelikula sa pista ng San Juan (basaan ng tubig) sa makulay na Quiapo, dinaanan ang dilim ng mga eskinita sa Tondo, ang interyor ng mga bahay sa pinagtagpi-tagi sa mga estero at looban, at buong tapang ding ginamit ang munisipyo ng Maynila (akalain mong di pa pala tuluyang limot ang Arroceros). Pati ang istasyon ng LRT sa Doroteo Jose at Carriedo (at ang tunog ng pagsasara ng pintuan ng tren) ay ekpertong nagamit sa mga nakakakabang eksena. Naalala ko tuloy ang adbentyurs ko noon sa pagpasok sa isang hayskul, at buhay-buhay sa Sta Cruz. 

Ang galaw ng kamera ay dinamiko. Bagamat kitang-kitang kopya ang sisteng ito mula kina PT Anderson, Brian de Palma, at Wes Anderson, iba pa rin ang dating dahil sa loob ng munti, sa dilim ng Escolta, sa malibag na Hospital ng Maynila ang background. 

Suportahan natin ang OTJ, mga bok, para naman mamuhunan na rin ang ABS at GMA7 sa mga ganitong klaseng pelikula na pwede na ieksport sa ibang bansa. Hindi simpleng aksyon, kakaiba, solido, hindi boring. Kayang-kaya naman pala natin gumawa ng ganito maski patay na sila Brocka at Bernal. 

Ganito ang produkto, Dos at Siyete. Ito ang produktong magpapakita ng husay natin, makakakontribyut pa kayo sa GDP ng Pinas pag nagkataon.

Manood ng OTJ! Ngayon na, bok!

Mag-iinvest ako sa ABS Dis Wik

ABS-CBN--

Ayaw ko ng mga pasentimyentong paawa shows nyo na masyadong mang-take advantage sa mahihirap para magkaroon lang kayo ng content,  sablay ang pa-sensational na news org nyo (lalung-lalo na nang umalis si Maria Ressa) at ang mga dokyu na uunahin ang pag-raid sa isang massage parlor at sex videos kaysa ang mga importanteng isyu na kailangan ng aktibismo, ang soap opera nyo na nagpapahaba lang at pumipiga sa bawat rating maski paulit-ulit na ang plot devices, ang mga pakyut na artista na pulpol naman umarte, ang mga pelikulang walang wenta at puros butas ang iskrip, pero panalo ang THE VOICE. Jackpot kayo rito. Sa wakas nagkaroon na rin ng palabas sa Dos na talagang susubaybayan ko.

Ang akala ko noon naubos na ang magagaling na mangaganta sa dami nang singing contest na pinuhunanan ninyo ng GMA7, hinding-hindi pa pala. At maganda talaga ang tema ng The Voice na, imbis na open ang audition, imbitahan dapat ang mga bihasa na, mga raketero ng bars, mga di nagtuluy-tuloy ang pagsikat noon, mga backup singers, para iwagayway naman sa spotlight ang talento nila.

Totoo namang utusan lang mga ang iskawt na magtanong sa mga bars kung sino sa mga kilala nilang mahusay rin, talaga namang makakamina pa ng mga bagong tuklas na kayang kumanta ng Tatsulok (padayon mga Tibak!) at I am But A Small Voice:

Maski itong isang kontes sa battle round na parang alanganin ako dahil iniba ang tono sa pinakaborito kong kanta ni MJ

ay panalo pa rin sa drama.

Sayang, sayang, natalo ang gusto kong kumanta ng George Gershwin sa blind audition (di ka makakarinig ng piyesa mula sa Porgy and Bess araw-araw sa mga pakontes natin):

Nakakapanghinayang, pero ganyan talaga. Kasama ang hinagpis at mga sayang-subalit-datapwat-kungdisinsanay-kungakoyan moments sa magagandang palabas.

Wag kang malungkot Michaellen. Kukuhanin ka na ng mga bar na uber-bongga magbayad dahil sa dalawang pakitang gilas mo. Wag ka nang tatanggap ng raket na mas mababa sa Dusit, Intercon, et al. O di kaya, lipat na agad sa GMA7.

Ito lang--para sa Dos--

• sana binabayaran ninyo na ng talent fee ang mga awitero, maski contestants pa lang sila. Antindi na, sila na ang nagbibigay ng content sa inyo. Wag masyadong sarilihin ang kita mula sa advertisers. Mag-pondo na sa karma at para magtuluy-tuloy ang The Voice ng ilang seasons.
• Tsaka pigilin ang sarili kapag natutuksong lagyan ng sangkatutak na storyline tungkol sa "kailangan ko ng pera para makapagpaaral sa mga kapatid." Oks lang na pangrekado/pangdagdag ito, pero nakakasuya na pag parati at paubos-oras ang dating. Lahat naman tayo kailangan ng salapi, maliban sa 0.1% siguro ng populasyon. (Kung sa US 1% ang sobrang yaman at yaman pa nang yaman sa ilalim ng kapitalismo, malamang satin 0.1%). 

Thor, Janice, Rhada, Mitoy, atbp, tataya ako sa ABS dis wik dahil sa inyo. Mamayani sa akin ang content at ganda ng produkto kaysa sa kung anong pattern sa chart o estado ng volatility sa ating merkado.

Sugod The Voice! Pasiglahin mo ang presyo ng ABS sa Stock Market!

Pagpasensyahan ninyo na, baka magsulat ako ng tungkol sa The Voice nang lingguhan.